Lirnghing tenau ang mai-Tamil sawrkar nge nge!
Ni 19 Khan Chennai veng pahkhat Tambaram ah chuan Tamil Nadu State Highway Department chuan dawr 100 chuang leh mihring chenna a nawr chhe hem mai. Sawrkar phalloha in sak hi Madras Christian College bul lawk kawngpui hrula mi an ni hlawm. He hmun hi Highway Bridge sak nana nawr chhia an ni. Kum 2007 atanga thupek an lo chhuah tawh bawhzuia he thil hi ti an ni. A tuartu lam tan chuan a nunrawnthlak hle a, mahse sawrkar erawh chuan zangnadawmna sum naia khat mah a pek hmel loh khawp mai. Hmasawn dawn chuan tianga chet lak ngam hi a ngai reng a ni. Amaherawhchu atuartu te lam erawh an khawngaihthlak hle tho mai.

JCB in In a nawrchhe lai

Nau tih tlak hi sual a ni em?

NAU TIHTLAK (ABORTION) HI SUAL A NI EM?
RM.Zodinthara


Nangmah ngeiin ka rilru i nei a:
Ka nu pum chhngah mi khuh a.
I hnenah lawmthu ka hrilh ang che;
hlauhawm tak leh mak taka siam ka ni si a:
I thiltihte hi mak tak a ni a;
Chu chu ka nunna hian a hre chiang hle a ni.
A ruka siama ka awm a,
Lei hmun hnuaihnung bera mawi taka siama ka awm lai khan
Ka ruhrel chu i lakah thupin a awm lo.
Ka riruang la famkim lo chu i mitin a hmu a,
I lehkhabuah chuan ka pengte zawng zawng hi ziak vek a ni a,
A ni tela siamin a awm zel a,
A pakhat mah la awm hmain,
Sam 139: 13-16
Indian Penal code section 312-na hnuai ah chuan chiang takin Medical Termination of Pregnancy Act kan hmu a. Hemi d^n hi nau tih tlak phalna d^n ti ila a chiang mai awm e. A chhan chu eng pawh nise nau tihtlak (abortion) hi d^n in a phal tih hi lo hre hmasa phawt ila a tha awm e. D^n in a phal thil a nih tawh avang hian d^n in a phal bak ah pawh kal mah ila d^n hmanga in humhimna awmthei a tam em avang hian he thil hi ngaihtuah chian a ngai hle a ni.

Engtin chiah nge kan lo pian : Mipa chi fang leh hmeichhe chi mal a han infin chiah hian mihring kan nihna tur a lo in\an chiaha. Chumi awmzia ah chuan mipa chi phel leh hmeichhe chi phel a lo infin chiah khan chi mal thar(new cell) a lo ni tihna a ni a. Hetianga mihring lo ni tura mipa chi leh hmeichhe chi lo infin tur ringawt hian chance kan nei chhe ve khawp mai. Vawi khat ah hian mipa chi mal hi maktaduai khat vel a chhuak tlangpuia hetihlai hian hmeichhia erawh a pangngai ah chuan 1 chiah a ni thung. Hemi awmzia chu mipa chi mal maktaduai chuang zinga pakhat te khan hmeichhe chimal pakhat kha a va CK pui zeuh a ngai tihna a nih awm chu. Hei vang hian he leia lo piang chhuak tura kan chance neih chu hmun maktaduaia \hena hmun khat vel chauh tihna a nih dawn chu.

Chu chi mal/ti m
Chu ti m
Engtin nge ni zel? :
Aw thliarkarte u, ka thu ngaithla ula, hla tak ata mi tinte u, ngaithla bawk
rawh u: LALPA chuan chhul a\ang rengin mi ko va; ka nu pum chhng a\ang rengin ka hming a lo sawi tawh a
Isaia 49:1He ti mur hi a nihna ang ang hian a awm reilo khawp mai, a thang danglam chak reuh phian mai. Kar hnih hnu ah chuan a danglam daih tawh tlat mai. Kar ruk an liam meuh phei chuan danglam tak a ni tawh. A kut, a ke a lu en rawh pawh tih se a en theih tawh ngei ang. Kar Riat an ral leh meuh phei chuan naute duhawm tak hi a ni tawh a ni. Mahse mihring a ni tawh em?, ‘THLARAU A NEI VE TAWH ANGEM?. He zawhna hi hringfa te zing ah hian tu han chhan theih chu a ni miahlo mai!, min Siamtu Pathian erawh chuan a hre ngei ang.

Nau tihtlak chu Sual a ni em : A chhan awm tak tak a awm theia, tihtlak a tha zawk tih khawp hiala chhan tha pawh a awm ngei ang. Mahse Pathian hian tu mah hi a thlawnin a siam lo a ni tih erawh hriat a tha hle mai. Kan duh emaw duhlo emaw mihring kan taksa hmanga Pathian in a siam ah hian tih theih ve kan nei tlem khawp mai. A duh angin a siama a duhloh chu a ti boral mai thin, hei hi Kan Pathian zia chu ni awm tak a ni. Kan Zorama nautihtlak tam ber hi chu D^n in a phal bak d^n \anchhana tih hi a tam ber ni in a hriat. Kan Pathian hian engtin tak ngai ve ang maw?
Tin, LALPA thu chu ka hnenah a lo thleng a;
"Pum chhnga ka siam hmâ chein ka hria che a,
Chhul ata i chuah hmâ pawhin ka serh hrang che a,
Hnamte hnena zwlneiah ka ruat tawh a che," tiin.
Jeremia 1:4-5

Hringnun Hi a va mawi em!-Article(mizo)

HRINGNUN HI A VA MAWI EM! RM Zodinthara.

He khawvel ah hian eng emaw ti turin kan lo piang chhuaka. He kan taksa hi chu vaivuta liama \awihral mai tur mah nise, he kan taksa \awihral mai tur hmang hian engemaw tak tih kan duha. He khawvel hi thil hlu engemaw hnutchhiah kan tum theuh a nih hi. Tichuan he khawvel ah hian beiseina neiin kan lo piang chhuaka. Chu kan beiseina chuan hmalam min thlir tira. Tichuan ‘nakin’ ti reng reng in kan hringnun hi chu thlan ah kan liampui dawn a nih hmel khawp mai. He beiseina khawvela kan chenlaia, eng emaw tak tih tuma \an kan lakna kawngah hian thil tamtak kan paltlanga. Hun chi hrang hrang kan tawng thin a nih hi.
Engvanga he leiah hian lo awm ve ngawt nge ka nih ?
Thil reng reng hi chhan neia awm vek a ni a. Hei hi a Science zawnga han chhut pawhin a dik a ni. Mihring tu a te pawh hi awm chhan neiin kan lo piang chhuak veka. He Khawvel ah hian tihtur neiin kan lo piang chhuaka, kana awm chhan leh kan tihtur erawh a inanglo hlawm viau ang le.
Nun chawhchawrawi :
Hringnun hi a lo va mak ngai em ti a kun tlawk tlawk kan awm laiin hringnun hi a va mawi em ti a zuang tawr tawr tawk pawh kan awm tho mai . Nimin mai ngaia a then kun tlawk tlawk leh naktuk ni chhuaktur nghakhlela zan mu pawh chhing hleitheilo te hi kan inzat nuk awm a sin. ‘Nang i awmna hmunah kei ka hmun ah’ tih ang deuhin kan chantual theuhah hian kan hringnun theuh chu kan hmang liam mek hlawm zawng a nih hi. He hringnun, nun chawhchawrawi tak kan hman liam mek hi kan hman dan a zir hian hringnun duhawm leh mawi Kan lo nei thei dawn a nih awm hi.
Nun thlahlel meuh tawhloa kan awmna chhan te, he khawvel hi hrehawmna a khat ang maia kan hriat thin nachhan chu he kan hringnun hman dan dikloh vang te hi a lo ni ch^wk thin a nih hi. Hlim kan duha, lungawi kan duha chumi nei tur erawh chuan kawng dik zawhlovin kawng diklo kan zawh \hina, chu chuan lungngaihna leh rumna min thlen thin a nih hi. Kan zin kawngah hian kham leh suar chhia tam hle mahse kan beiseina neih hi hloh ngailo ila. He kan thinlung chhunga aw te takte in kawng tha lam min kawhhmuh hi har viau mahse zawh tum hram hram thin ila, tichuan kan hringnun chu hlimna in a lo khat ve thei ngei ang.
Nun ho-nun nuam :
Hringnun hi a va mawi em kan tih thinlai chu thiante nena mi ta awh em em tur kan hrait hma leh he khawvel changkanna kan hriat hma nun kha ni ve ngei hian ka hre thin. Thianpa pakhat in hostel ah ‘Duhthlanna Sang Ber’ tih hla a ‘tisa erawh a chak si lo’ tih tur ‘Krista erawh a chak silo’ tia lungchhe lek leka a lo zai te kha ngaihawm reuh ta hle mai. Tin thianpa Henry-a \an turin ‘Tomothea khua mi te hnena Tirkoh Paula lehkhathawn’ an chhiar piap mai te kha. Naupang chhe nun, Pa te aia huai an awmlova kan rin lai, Bill Gate-a aia kan veng Marble thiam kan ngaihsan zawk hun lai leh lungngaihna hi naktuk daih a awm thei ngailoa kan rin lai te kha kei chuan hringnun vawrtawp nimai te hian ka hre \hin.
He khawvel hi a thei thei leh chak chak (survival of the fittest) din channa a ni tih kan han hriat hnu ah hian chuan, napangchhe nun kha ngaihawm tak a lo ni thin a nih hi. Tun ah chuan kan thil lo hriat tawh ten min ti thuanawpa, naupan lai a ‘ka len hunah chuan IAS.....chui khami...ka ni ang’ kan tih lai rilru kha han \hansan meuh chuan a eng amah hi kan beisei ngam meuh tawhlo zawng a nih hi. He nun hi enge ni ngai, puitling nun maw! Kan hmalam thlir lawk thiamna chuan beiseina >ng thlir thiamna min pe lova, athim lam erawh kan hmufiah zawk thung \hin a nih hi. Hringnun hi tiang chuan a mawi leh thei dawn em ni? Hlimna tak chu engtin nge kan neih leh tak ang le?

Engtinnge nita ang?
Rose hian hling a nei tih hre \heuh mah ila a par mawina chuan a hling a hliah tlat avang in a hling hmuh k^n in a par mawi tak kan hmu hlauh zawk \hin a nih hi. Kh^m chhengche tak pawh a chhengchhiatna dem mai lova lawmna min siam \hintu chu a kh^m panga Pangpar mawi tak lo vul thin vang hi a ni. Hei hi a ni lawmni hringnun zia chu.
Hringnun hi ava mawi em! Ti a hringnun mawi nei tur hian kum upat leh tlem in kori a tu hranlo, upat hnua neih ringawt theih a nilo ang bawkin naupan vang ringawta chan bik theih pawh a ni heklo. Rose kuhmum hi a mawi hle a, mahse a lo par chhuah chuan a lo mawi zual sawt thin ang leh tuikep pawh a upa a piang in lunghlu \hami an pai thin ang hian kan kum chu eng pawh nise he nunmawi hi chu kan nei thei vek a ni.
Rose hian a hling neih vangin a par a thulh ngailo ang leh Kham chhengchhe kara Pangpar pawhin a awmna leilung sawisel lova mawi taka Par a chhuah \hin ang hian; kan tlakna hmun leh kan chetlatna piallei chu eng hmun pawh ni in, hling hmun leh lung hmun pawh nise ‘keimahni’ theuh hian nunmawi’ kan lantira Mizo kan nih na-tlawngaihna, insumtheihna, huaisenna leh tumruhna te hi kan vawn nun reng chuan. Miten kan nun mawilo lai leh kan bula mite nun khawlo te hmuh k^n in kan hringnun chu mawi takin a lo ‘P^r’ chhuak anga. Chutih hunah chuan nangmah vang hian he mizo hnam zawng zawng hian ‘Hringnun hi a va mawi em’ kan ti thei ngei ang.

Poem-Thinlung-Indona

THINLUNG-INDONA
RM Zodinthara.
He ka thinlung chhung ah hian,
Chhia leh tha hi a insual renga.
Indona hmun ang mai in he ka thinlung hi a tanga.
A chhe lam chu a pan talh talh renga;
Mahse he thatna tlemte vang hian kawng dal in a awm leh thin.
Tui chhuanso phul bulh bulh ang mai hian,
He ka thinlung hi a so fo thin a.
Dan rual lohin a so liam chuan min min ti kang a,
Min ti bawlhhlawh thin.
He thinlung bawlhhlawhna a khat thin hi,
Paih bo daih a va han chakawm thin em!
Natna tinreng min thlena min ti lungngai thintu a ni si a.
Vawnthat tlak loh bawlhhlawhna a khat chu a lo ni e.
Mahse, mahse, he thatna Sipai tlemte avang hian;
Engtikni ah emaw chuan heng bawlhhlawh te hi thenfai a la ni ang a,
Chumi hun ah chuan he thinlung ngui tak hi lawmin a lo khat leh ngei ang.

Tulai chu

Tunlai chu eng eng emaw buaina neuh neuh ka nei ngah ve lutuka thuziak turin rilru sen a har thin riau maia. Khua an lum chho tan bawk nen, thil eng eng emaw ti neuh neuh in hun a kal duak duak zel maia. Vai karah phei chuan khawlum nen lunglenna tur khawp han hawi vel ruai ruai pawhin hmuh tur a vang tlatzel hi a buaithlak a nih hi. Newspaper takngial pawh tunlai chu kan chhiar mumal hmanloa Politics khawvel pawh ziah a chakawm viau na a tunlai chu ka hman nganglo a ni, in hriatthiamna ka ngen e. A rei tawh lo’ng e, min lo nghak la, kan la ti tak tak dawn nia..
Ka lawm e

Fiamthu

Fiamthu i lo thawh ang u...........

1) Mi pakhat ( a hming thups...) pawh kha Bike kha an khalh awn thei
mai mai khawp ah, kawng sira tuihawk te hi a hak bawrh bawrh zel...

2) Pa : Mama Zaniin chu Kabul ah riak la;
Fa : ‘Kabul’ ah chuan ka riak peih teuh lo mai, Afghanistan ho
an hrang si, Kabul ah chuan ka riak lo mai ang....



3) Tualte Vanglaia Biakin pakhat pawh kha , an thar khawp a , an pack vel....

4) A han uikawm em em khawp a, a dettol bur kha a thlauh keh palh a, a ui lutuk chuan a kut chemte in zuk zai thi chawpa, dettol bua chu a in hnawih mawlh mawlh a, an thenawm te hnen ah “pemthar nei in awm em?” te zuk ti lung lung a.

5) Sazu hi a awm mai mai chuan ‘simple living’ a nia, mahse a khawng lai chuan ‘high thinking’ an ti leh daih.....

1) Indopui II na chawkchhuaktu Hitlera kha a hawrawp a’n chhe em em khawp a,
an tia lawm, a diary kha C.I.A. hoin an
ruk sak a, chu pawh chu diary ni lovin map
emaw an tih vang a ni.

2) “ Kimte, engati nge Office i va rawn tlai
em ve,” “Sir, ka ha ka nawt turin ha nawhna hlo diak ka lo hmetchhuak tam
lutuk palh a, Ka pa’n thun leh vek turin
min ti pek alawm mawle.....

3) “ kawmthlangpa chu, hmana i vawk dam lo kha ‘Quinine ka pe’ kha i ti mai si a,
ka pe ve a , ni thum pawh zuk damlo a”.
“E, a va dam rei zawk ve, kei kha chu
nikhat chiah asin a dam.”

4) “ kha in Ball thar chu in ruk em ni ?”
“Ni lo, mi tih bo kan chhar a nih hi”
“Engtin nge mi tihbo a ni tih in hriat theih a!”
“E le....an zawng an zawng lai pawh kan hmu reng a lawm”.