View all

Get your own

Poem- I Remember you

I REMEMBER YOU
When I knew you,

You bring joy, happiness, and mirth

I remember the

Many problems you have solved,

I remember,

Your footsteps and your smile.

I didn’t know a little later

You will vanish silently.

My mistake is

I forgot to tell you

“I love you”

My only wish is

Just one more time.

We play at our playground

Sing our favorites song

Together you and I

Just one more time.

There’ll be no one like you

I’ll always remember you today and forever.

Hope we’ll meet again at your eternal home

At the side of Jesus

I remember you


Note: This poem is atribute to the memory of our friend Lalrinzuala who untimely passed away while we studying Class IX in the year 2004 .


By RM.Zodinthara.

Artcle-Kan Nitin Nun Ah Science

KAN NITIN NUN AH SCIENCE R.M Zodinthara.

Kan nitin nun a Scince pawimawh na hi sawifiah zawh mai chi a ni hauh lo a. Tun hun ah hian Science thiamna chhawr tangkai a kan thil siam chhuah te leh kan nitin khawsak na thil Scince hmanga hrilhfiahna tlem kan thlir ho dawn a ni.

.Engvanga Pressure Cooker-hi chaw chhum nana hmang thin nge kan nih a , eng vanga hmin hma bik nge a nih tih hi i lo ngaihtuah tawh nagi em?-A chhanna chu- thil reng reng hi a so na (boiling point) hi a chhehvel a nekna (pressure) nat leh nat lovah a innghat a.Pressure Cooker ah pawh hian a chhung a tuihu chuan nekna a siam a, chu nekna a vang chuan kan thil chhum te a lo so hma a. Chaw chhum na tangkai tak a lo ni ta a ni

Petrol kang thelh nan hian tui a hman
tlak miah loh tih hi i hre tawh em?
Hemi hi a chhan chu tui hi Petrol aiin a rit zawk a. Petrol kang a tui i han theh/leih khan tui te chu Petrol hnuai ah an put lut vat a. Tichuan Petrol chu a kang chhunzawm zel ta mai a ni.

Kan lei hipna hi thawk leh khat ah han awm ta lo thut mai se engtin nge kan awm a i rin ? - He thil hi han thleng thut ta se chu, he kan lei tuamtu boruak vel ah hian kan lang nuaih nuaih mai dawn a ni. Tichuan eng mah kan ei in kan in thei lo vanga, dam khaw chhuah ngaihna a awm lo ang.

Kan mit lehlam kan hup hian thil kan hmu fiah ve tho si a, enge mit pahnih neih kher hi a tulna ni ta ang?-Kan mit lehlam chauh in a fiah taka kan hmuh theih huam chhung (1350 C vel) hi kan mit pahniha kan hmuh theih huam chhung (1800C) ai hian a zim zawk a. Tin vei lam mit hi kan dinglam a thil awm hmuh nan kan hmang a, chutiang bawk in kan ding lam mit hi kan vei lam a thil awm te hmuh nan kan hmang zawk bawk a. Tichuan kan mit pahnih te thil hmuh ve ve chu kan thluak hian lo lakhawma lo remkhawm leh in, kan thil hmuh tea nihna (shape) dik tak (3 dimensional image) in kan lo hmuh theih phah ta thin a ni.

Fuse kan tih hi eng thil chiah nge a nih a, engtianga pawimawh nge tih hi i lo hre tawh em?- Fuse kan tih hi a awlsam zawng a sawi chuang wire te tek te, a sat deuh a tuiral hma tak a ni a.Kan in chhung wire- a Electric kha a tam lutuk chuan chuan kha fuse khan dawl lovin a mah khan a lo tui ral/chat ta mai thin a .Hei hian kan electric kal sual a vanga chhiatna tam tak kan tawh tur lak ah min lo chhanhim thin a lo ni.Chuvang in Electric wiring kan tih in fuse wire dik tak kan hmang thin tur a ni a, mahni thu thu a wire lo thlak ve ngawt hi a pawi thu thei hle a ni.

Natna en nan a kan khawl hman thenkhat te :-
1) X-Ray : X-ray hi William Roentgen-an Kum 1895 a a hmuhchhuah a ni a.X-ray hi eng zung chi khat a hming pawh an hriat loh vanga X-ray ti a vuah ta an ni.
X-ray khawl hi hman mai a awlsam a, lung na, chuap thalo, ruh leh ruh inzawmna lai thalo te hmuh chhuah zung zung nan a tangkai hle a. He tih lai erawh hi chuan X-ray eng zung zam hi a hlauhawm hle a. Mihringin a dawn tur aia tam a dawn palh chuan chhiatna a thlen thei thin.. Naupai lai phei chuan tih miah loh tur a ni.

2)Computed Tomography Scanning (CT Scan)
CT Scan kan tih mai hi kan hre lar hle in a
rinawm. He khawl hi X-ray hmang tho a natna hmuhchhuah na a ni a.X-ray khawl chang kang tak ti pawh in sawi ila kan sawi sual lutuk awm love.He khawl hi Computer nen thlunzawm a nih a vang in fiah fel fai taka a thla lak chu Computer ah hian dah tha leh vek a. Heng thlalak te hi duh tawka chin leh theih a lo ni ta a.Taksa hmun hrang hrang te chu chiang tak in a lo en leh theih ta thin a ni.
CT Scan hi lung thalo te, thisen kal dik lo te hmuhchhuah zung zung nan a tangkai hle a. Tin taksa a bawk tha lo(tumour) te, thluak hnathawh diklo, chuap leh lung thalo te hmuh chhuah zung zung nan a tangkai hle a ni.

3) Magnetic Resonance Imaging (MRI): MRI ka tih hi CT Scan te nen hian a inang deuh a.Nimahsela CT Scan te ai chuan a changkang in a tha zawk fe a ni.Tin CT Scan te aia a that leh na em em chu eng zung hlauhawm X-ray a hmang ve lova, taksa tan a him em em a ni.Tin CT Scan in thla a lak theih loh hmun hrang hrang thla a lak theih a vang in a tangkai hle a ni



4) Ultrasound Imaging or Sonography :
Ultrasound kan tih fo hi a awmzia chu ri fawn vel, mihring te hriat phak loh chumi hre thei khawl tihna a ni.
Nu in nau a pai lai in naute insiam chhoh dan en nan a tangkai hle a. Tin eng zung hlauhawm hmang a ni ve lo a, a him em em a ni.

5) Endoscopy:
Endoscopy hi endoscope pipe te tak te ka chhung ah emaw thun luh a kawchhung en na a ni.Tin inzei tenau (minor operation) tih nan pawh an hmangthin bawk a ni. He pipe hian optic fibre(hrui sin te te) a keng tel a chu chuan kawchhung thlalak te chu rawn thawn leh in Com puter Screen ah fiah tak in a rawn lang thei ta thin a ni.

article-Nanotechnology

NANO TECHNOLOGY

Scientist believes that the next era could be belonging to Nanotechnology. The term Nanotechnology was coined in 1974 by Tokyo Science University Professor Norio Taniguchi. Nanotechnology is emerging as one of the most growing areas of science and technology with application in Biology, Physics, Materials Science, Chemistry and earth Sciences. Scientist claim that even within the next 50 Yrs, The new technology will change the World in ways we can barely begin to imagine today.

To get the idea of Nano scale, let me try to explain in this way- If you can devide 1 meter in to 1 billionth time, and that one part will equal to one nm. This means that 1 nanorobot is still 100 - ten thousand times smaller than human cell.
You may not be able to believe what Iam going to say about Nano, but Scientist round the world continue to report new break troughs in Nanotechnology research
Scientist have achieved many devices like Computer chips, Cosmetics like Sunscreen , Self cleaning glass that means clothes that never get dirty, Paints that change Color on Command. And many other more..

If they can success in food production through nanotechnology, scientist said that there will be no famine in the future as the food will replicate themselves by a device called assembler. You may not believe this but scientist firmly believe that this could be possible
Even they can success in making of nano power- a laptop Computer could then have more power than all the computer in the World today put together. I also hard to believe these things but this all statements are created by our eminent Scientist only.

If they can have achievement in the field of Nano Medicine, Many common incurable diseases like cold and fever could be easily cure by drinking a teaspoon of liquid containing an army of molecule sized nanorobots. Even it will give a complete sex change without surgery. So, if you wish to be a girl or boy you may be able to change very easily

Through the achievement in the field of Nano Medicine , Scientist believed that the day is not far off when nanotechnology would unleash tiny microscopic devices to combat the deadly cancer, as the nano devices are 100- ten thousand smaller than human cell so, it can easily enter human cell to fix the bad/

But what we can do now is to wait eagerly the day when Cancer becomes easily cure. If they could get achievement in this field I’m sure that we, our state will be one of the most benefit states.

Article-Hringnun Hlimawm

HRINGNUN HLIMAWM

A tir in
A tir han tih lemah a tir ka tih chu a la rei lo hle a. He hringnun zinkawng tawite ka lo zawh ve tawh a, he hringnun mawina hlir hmu lova, hringnun hling ka hriatthiam ve vuai vuai tan tirh lai vel kha a ni awm e. A tir te tak takah chuan eng kan ni bik law. Nu leh pa thlazar hnuaiah pangchang takin he hringnun hi nuam ti takin kan chen thin. Tun thleng pawh hian ka nunah chuan chu chu a la inthlak tak tak chuang lo. Nu leh pa thlazar hnuaia la nui ve thei mai chauh ka la ni si a.Nimahsela, naupang chhe nun zualpui chu kalsan ve hret hret chuan ka inhria a. Chu chu a tir ka tih chu a ni.

Hringnun famkim nan High School run ka bel
He ka hringnun hi chu nakin atan ti reng renga thlana liam tur a nih avangin kan hmalam hun chauh ngaihtuahin hun kan hmang thin. Hetiang hi hringnun a nih tlat avangin keipawh naupang nun kalsan a zirna-in sâng zawk ka luh chu a ngai a ni. Engtin tin emaw High School chu ka han thleng ve a. Pawlsang intih ve tawh teh reng nen a mawngphahah bawk bul kan han tan leh a. Inchhuan theihna chhete ka neih chu Class XII te nena School khata kan kalho chu niin ka hria. High School kal tih vang maiin ka han inla-high ve ngawt a. Thiante nena han titi ho pawhin ‘kan Middle School kal lai kha aw’ te kan han ti ve vawng vawng mai thin te kha a lunglen thlak letling phian ta mai.

Saptawng mawlh hi a ni
Primary leh Middle School Mizo School ah vek ka kal a, tawng huatthu suhah English hi chu Yes leh No inkar takngial pawh hi kan hre lo a, kei ngat phei hi chu a chhah ber pawl ka ni ang.Tichuan English lama pachhe ve tak chung chuan High School, English Medium-ah ngat chuan kan lût ve ta a nih kha. Kan teacher-te vai vek an ni a, Mizo tawng pawh an thiam lo leh nghal a. ‘What is your name?’ an han tih hi chuan pawr ve zet hian kan hmingte hi chu kan han sawi ve mai a. Nimahsela a chi dang deuh a min han biak tawh chinah chuan zak chung chungin leh inthlahrung tak chungin kan teacher-te kha kan nuih mai zel a. School naupang khati zozai zinga khatiang English thiam lo lutuk han nih kha chu ka zak thei khawp mai.Vawikhat pawh zirlai bu hi ka keng theihnghilh tlat pek mai a. Kan Sir chuan min ko ta ngei mai a. Lehkhabu ka ken loh chhan te min zawt ngei chuan ka hria. Nimahsela engtia chhan tur nge tih ka hre tlat lova. Ka va phei leh vang vang a, ka thianpa hnenah chuan engtia chhan tur nge? tih ka va zawt a. Ani chuan ‘I forgot’ ti rawh alo ti a, tichuan ka lo phei leh a. Kan Sir bulah chuan ‘I forgot’ chu ka va ti ta talh talh a.

Hetiang hian English thiam loh zahthlakzia ka hrechiang hle a. Ka rilru siamin nitin word thum tal ka hriat belh tur a ni ka ti a. Tichuan ka thiam belh ta ziah a. Tin English magazine te pawh ka chhiar tam phah a. Hemi atang hian English-ah chuan ka fail leh tawh ngai lo a ni.

NCC Vanglai
High School ka kal chhunga nuam ka tih ber thin chu NCC kha a ni. Thil tam tak ka zir chhuak a. Sipai lâm paha khuangpui rema han per tlat tlatte kha a nuam ka ti ve riau a. NCC form ha a, khawimaw lai kilkhawr deuha han kal chang a, englo zuar ten Excise emaw minlo ti thin te kha a nuam ve mai mai a lawm le.

Camp ka kal ve
NCC a ka tan lai hian vawikhat chu camp kalna chance ka nei ve hlauh mai. Phur takin camp kal tur chuan ka chhuak ve a. Thil fuh lo vel hi a intawngkhawm vel thin emaw chu aw te ka ti thin. Bus ah nuam ti takin ka chuang ve a, tu emawni bulah kan thu ve ngei a. Tichuan nuam ti tak chuan kan thu ve a. Ngaiteh, vawi leh khatah hian tih danglamin ka awm ta thut mai a. Dan rual loh hian ka pum chhunga thil chu speed sang taka rawn chho in, ka ka atang chuan vawileh-khatah a rawn baw chhuak ta hawk mai..... Chu chu luak an tih hi a ni. Tichuan ka hmaa thu hmeichhe pahnihte chu ka luakkhum ta a nih chu. Tun thleng pawh hian kha hun kha chu rewind leh theih se chuan ka rewind anga, tukverhah tal ka dakchhuak ngei ang.

Salute turu
Salute turu han tih lemah salute turu lo lutuk zawk a ni awm e. NCC Camp-ah hian quarter guard duty kan awm thin a, chutah chuan darkar chanve vel hi flag bulah khawng taka din a ngai a. Chumi-ah chuan ka duty hun a lo thlen vangin ka duty ve a.
Kan duty laia O.C. a lokal chuan lo salute ngei ngei turin min hrilh a. Kei pawh khawng tak chuan ka ding a. Midang zawng zawng an duty lai pawha lokal duh lo kha ka duty lai ber kherin O.C. chu a rawn kal a. Min hrilh ang chuan khawng takin ka lo salute ngei a. Ka salute zo chiah chu a chhak a, class-a kan sir chuan ring zet mai hian ‘Mawla’ ti in a rawm au va. ‘Mawla’ a tih chu keimah chu a ni. A chhan chu ka kût veilama kan O.C ka salute vang a ni. Ka zak lutuk chuan ka kut veilam chu dinglamin ka thlak nghal vat mai a. Kan O.C pawh ha lang thu in a nui ve ringawt mai a ni. Ka’n ngaihtuah chiang a, veilam Salute ka pêkna chhan chu dinglama tiang min kentir vang a ni. Tiang min kentirtupa pawh ka la hre reng mai. A chhipsama tham sak pawh ka la châk reng.

A ruka thil tih hi a nuam a ni
Ka nu leh pate hian mei zu lo tur te leh ruihtheih thila fihlim tur tein min chah ngun hle mai thin a. Min chah hmaa tih loh ka tum tehreng nen an sawi an sawi chuan engatinge mawni ka ti ve chak tlat mai pek a. Tichuan meizial atangin kan tan ve ta a nih kha.
Mite chuan meizial bung leh an thiante vangin an tan thin a. Kei erawh chu paper-a zial atangin ka tana. A ropui lo ve khawp mai. Tichuan ka tichhin ka tichhin a, ka ti chhin tam tual tual a. A loose a lei a ngai a, a leina neih loh pawhin ka ba ngam leh ta zel a. Tichuan engmah thawhchhuah nei lovin ka nu leh pa te thawhchhuah chu ka zu ral vel ta mai mai a.Ka inngaihtuah harh meuh chuan ka lo tlai tep tawh a lo ni. Engtin tin emaw ka sim thei hram chauh a ni.

Zu ka in ve
Kan Sir sawi ka hriatreng pakhat chu “Thil reng reng hi tih ve chhin vek tur” a tih hi a ni. Chu thu te chu changchawiin thil tha lem lo pawh tihchhin ve zel hi ka duh phah ta a ni.Vawikhat kan School Sport Champion kan lawm tumin zu ka in ve ngawt pek a. Ka rin ai daih khan ka lo in thei a. No thum vel ka in hnu pawh khan ka la pangngai angreng khawp mai a. No nga vel kan in hnuah chuan ka lo kai ve ta khawp mai a.
Bible in ‘insumtheihlohna a awm’ a tih chu a tak tak a nihzia ka hriatphah ta nghe nghe a ni. Tichuan hai deuh chhelh chhawlh chuan ka lo star ve thin em em chu ka va pan chawt mai a. A bulah chuan ‘Min duh em?’ kei chuan ka hmangaih che a sin ka’n ti tawr mai a. Ani tihngaihna hre lo chu a nui ver ver a, a kal ta daih mai a. A zia lo khawp mai.Inti pa takin class-ah kan han chhova, kan thutna bulah chuan ka luak vak mai a, mahni pawh ka insaseng theih loh lai khan ka thianpa chuan ka luak te chu min thenfaisak vek a. Ka mualpho ta hle a ni.

Inah kan hawng a, ka rui lutuk chu kan thuthlengseiah chuan ka bawk thlawp a, ka’n luak leh a nih kha. Ka nu ngaih chu a tha ta chiah lova min zawt chiang ta a. Kei chuan ‘zu no khat chiah ka in a’ tiin ka chhang ta niin ka hria. No khat lek inah chuan rui chhe ber ka ni awm e.Khang hunlaite kha theihnghilh theih loh, mitthla a cham reng ni mah sela. Ka ngaihtuah kir chang chuan nawhreh daih ka châk thin. Nimahsela chu erawh a theih si lova. Ka lung ti lengtu erawh a tling ve tho mai.

Chhass neih hi a pa a ni
Mihring pangngaia piang ve ta nâ chu, hmel duhzawng te kan lo nei ve a. Tichuan kan duhzawng tak ten an mitmei min han hmuh ve ngat phei chuan he khawvel buai manganna zawng zawng hi a lo bo ta emaw ka ti hial thin.
            Biak-Inah pawh nise, ‘a inkhawm em?’ tiin ka mit ka len ruai a. A lo inkhawm hlauh chuan inkhawm te hi a nuam sauh thin a. Zai te pawh hi a tui sawt thinin ka hria. A lo inkhawm loh hlauh erawh kha chuan inkhawm te kha ho ta riau hian ka hre thin. Ka inkhawm chhan te kha eng ber nge aw tih te ka ngaihtuah thin.

Chance kan nei
Vawikhat chu kan thianzaho hian kan ngaihzawng ve tê tê te nen chuan chance kan nei ve khanglang a. Ka thianpate inah chuan kan inkhungkhawm ve tham a. Sawi tur em em phei chu kan hre hauh lova. Kan kut ve ve te kha chu a lo inhnaih deuh pawh a ni mahna. Chutia lungmuang taka kan awm vel lai chuan ka thianpa nu chu a rawn haw thut mai a, tahchuan le, a changtupa chu ka che ta a le, tukverhah chuan ka ‘Duhberi’ chu ka zuan chhuahsan a. Ka tlanchhiatsan ta duai duai mai a nih chu. Pa ve tak chu ka ni. Engvanga tlanchhia nge ka nih tih erawh tun thleng pawh hian ka la hre thei chuang lo.

Stage-a chetla tur chi te hi awm a nia
Khawvelah hian thil thiam riau tura piang te, stage vela zei taka che tura piang te hi an awm a nih ngai chuan kei hi chu chutiang lo tur chi chu ka ni chiang khawp mai.
School zawng zawng hmaah thusawi turin min ruat ve tlat mai a. Ka ti ngai lo tia ka’n phat ngial hnuah pawh min la tilui tlat pek a. Ka thiam an rin vang nge ni a, ka thiamloh lutuk an ringa min tih mualpho an tum pawh ka hre lo. A tawpah chuan ka pha zo ta ngang lova, ‘thih leh thih’ tiin ka’n ding ve tawp mai a nih kha.
Ka thusawi ka hre lova, ka sawi tawp lai pawh ka hre lova. Ka hriat chhun chu ka thusawi laiin an nui tih chu ka hria. Ka thusawi nuihzathlak vanga nui an ni lo tih erawh chu ka hria. Chuta tang chuan min ruat nawn leh tawh lo.

Kan zai ve thin
Zaithiam vang pawh ni chuang lovin zai kan ngainat ve hrim hrim vangin kan thianho hian thawkkhat lai chu kan zai ve thin.Vawikhat chu chawlhni chawhnuah hian kan zai a. ‘Rualbanlote Ni’ pual inkhawm ni tain ka hria. Kan han zai dawn a leh, Music track a rawn ri chiah mai chuh, Metallica - Whiskey in the Jar tih a lo ni daih mai. Kan thianpain track a lo play sual chu lo niin. Zahthlak duh vang vang tak a ni.

A tawpna chu
Tihian hringnun hling leh hriam karah ka hringnun chu ka zawh ve bek bek a. Lamlian chuangkai turin kawng zawl chin pawh hnaih ve viau tawhin ka inhria. Nimahsela he hringnunah hian zir tur tam tak ka la nei a. He ka zinkawng hi zawh pelh lek lek thin mah ila, ka nu leh pa leh Pathian zarah zawh chhuah ve ngei chu ka duh a. Pathian nen chuan engkim kan ti thei a. Lalpa tih hi finna bul a ni si a.

Note : He article 2009 Lengzem Chanchinbu in Class 12 Essay inziahsiak a buatsaihtum ka ziah, lawmman 1-na ka lakpuina a ni ve e..

Article-Piller Rock

Piller rock

RM Zodinthara.
Hringnun hi a chang chuan buaina a khat, chhumdum chhahpui in a hual vel reng ang mai a ni thin. Nun thawveng leh zallen neih kan duha, chumi nei tur chuan hmalam pan in kan kal tauh tauh a. He hlimna kan zawnna kawng ah hian kawng ralti leh suar chhia a va han tam tak em. Hmalam pan ngam lovin kan awm fo a, tluk leh din fawmkemin hringnun hahchawlhna zawngin hma lam kan pan hram hram thin.

Nunkhaw nawmna, hahchawlhna leh hringnun famkimna chu sum leh pai ah awma kan hriat avangin chumi kawng chu kan zawh theuha. Hlimna tak tawng dawna kan inhriat laiin lungngaihna bak erawh kan hlawhchhuak si thinlo a nih hi. Chauvin kan tlu a lungngaiin kan rum fo thin. Hetiang hun ah hian kan mamawh tak kan hai fo a, pan tur dik pan lovin kawng dang kan zawh fo thin a nih hi. Hahchawlh kan mamawha thawklak kan mamawh tih pawh kan in hria, mahse engtia thawklaka engtia han chawlh tur nge tih erawh kan hre si thinlo a nih hi.

Piller Rock chu : Tuipui zawl a tanga teha ft 7400 laia sanga awm a ni a. Tah ngei chuan a nia kei chuan hringnun chawlhna leh hahdamna ka hmuhna chu ni. He hahchawlhna leh hahdamna ka chan hi eng lunghlu thami mah hian leizo hian ka ringlova, engnen mah thleng ka phal hek lovang.

Piller Rock chuanin : Chu Piller Rock mawina belchiang tur chuan zing ni chhuah hlimin ka thian pakhat nen chuan chu tlang lam pan chuan kan kal ta a. Enteh Siamtu hian tiang em em a thil mawi leh ropui hi hringfate tan hian kan hahdam nan a lo duang reng a lo nih hi a’ tih bak sawitur a vang khawp mai..
“And I must think, do all I can
That there was pleasure there
If this belief from heaven be sent
If such be natures holy plan
Have I not reason to lament,
What Man has made of man ?

A chhip atanga ni chhuak han mawizia mai chu(h) . Chumi hnuai lawk ah chuan Silver tha chi ang mai a var thianghlim leh nalh hian chhum chu a in phan var siau hlawma. Chutiang Vanrang chhum tia koh meuh pawhin a chim ve phakloh vanga intithei fe ni awm taka tlangpawng 2 lo ding va va te chu a va han mawi tak em ! A tlang chip han hawi chhoh chuan Pine(far thing) tree ding tlar sung chuan men a va han ti hahdam em, luite tui luangri ang maia an hnah han in chhem ri te chuan beng a va han ti tlai tak em..
A tlang kham chhenghchhe taka kara Chhawkhlei ni awm tak Parsen, lungawi hmel taka lo par te chuan mit a ti tlaia. A kham pang in chhawrdawh thla a phul hringdup mai te chuan mit men a va han ti nuam tak em!
He hmunah meuh hian chuan hringnun buaina leh manganna te chu theihnghilh luih ngai lovin vawmbo ang duakin a kiang nghala. Hei ngei hi a lo nih dawn hi Siamtun Hringfate chawlh hahdam nana a lo ruahman chu!. Sum leh pai tam tak senga sak in lianpui chhunga chawlh hahdam ai chuan he Siamtun mawi taka a duan Piller Rock chung a tanga khawvel thlir hi kei chuan ka duhsam a ni reng fo ang.

Ti hian ka ngaihtuah zuia : He Piller rock awmna hi South India, Tamil Nadu chhunga mi Kodaikanal a awm a ni a . He tlangram hi Mizoram nen pawh a inang khawp mai. A inanlohna ni a ka hriat chu he hmun hi chu uluk taka plan a nihna chauh hi ni in ka hria. Hei vang hian khawvel hmun tin atangin tourist tam takin an pan luih luih phah reng a ni.
Tui khawhthla, tlang thengthawnuam, hmun fianrial, ngaw tha leh boruak nuam te hi tourist ho pan chhan ber ni ah ka ngaia. A khaw mipui aimah hian hian tourist ho hi an tam zawk mahin a rinawm a ni. Heng tourist hovin an tlawh chhan thil zawng zawng hi he kan Zoram ah ngei hian a awm ve tho si a ti in ka ngaihtuah neuh neuh thin. Tourist a tanga an sum lakluh tam tur zia hi chhut tham tak a ni. Ka awta, kan ram pawh hetiang ang tho hi a ni si a ngatinge hetiang anga nalha kan sawngbawl ve mai loh ti in ka inzawt mai mai thin.
An ni chuan an tourist spot te an dah Natural thiam hle hian ka hre thin. A mi chengte an changkan vang ngawtin an tourist spot te an khawih danglam ve lova, chu chuan an tourist spot te pawh tlawh a ti nuam em em a ni. Kan Zoram mawi tak pawh hi engtikni ah emaw chuan mite tlawh huai huai khawpa mawia kan la siam hi ka ring tlata, chumi hunah chuan eizawnna tha lah sum tam tak kan ram leilung vang hian kan la hailuh ngei ka ring. Inkalpawhna tha kan neih a vanga inchimralna kan hlau rengte a nihloh chuan.